ПИНЬВИЦ – На озеру „Пиньвиц” у Пиньвиц, штредком мая було отримане змаганє у спортским риболову – екипне method feeder змаганє (Carp cup Pivnice 2015).
На тим змаганю у моцней конкуренциї участвовали 12 екипи и 24 учашнїки хтори були подзелєни до трох секторох А, Б и Ц.
У екипи СБ Баитс (SB Baits) змагали ше двоме рибаре Стефан Бранкович зоз Руского Керестура и Роберт Шипош зоз Кули хтори ше змагали у Б сектору и освоєли 1. место, а зоз влапену вкупну чежину од 96,485 килоґрами були найлєпши и тиж освоєли 1. место на цалим змаганю.
Екипа СБ Баитс (SB Baits) зоз Б сектору вкупно влапела 96,485 килоґрами и завжала перше место, друге место припадло ФТ Ендуранце зоз вкупну влапену чежину од 47,730 килоґрами, док треце место освоєл Мирко Фекете зоз Руского Керестура зоз вкупно влапену чежину од 31,385 килоґрами а хтори у своїм сектору Ц завжал 1. место.
Вкупна чежина риби хтору змагателє влапели була 261,385 килоґрами, док найвекша риба хтора вицагнута мала чежину од 18,290 килоґрами.
После законченого змаганя у спортским риболову на фидер екипно, шлїдзело додзельованє наградох хторе було отримане на озеру „Пивнице” у Пиньвиц дзе найуспишнєйшим додзелєни погари.
