РУСКИ КЕРЕСТУР – У Марийовим святилїщу Водици, вчера одслужена остатня Служба Божа на швето у тим року, а то було Марийово швето Воведениє.
Службу Божу на 10 годзин у водицовей церкви служели парох о. Владислав Варґа и капелан о. Ярослав Варґа, а було и красне число вирних.
Як наявел парох, богослуженя у Водици з тим шветом ище нє цалком закончени, бо Служби Божо котри ше цали ювилейни рок служели соботами, буду ище два шлїдуюци соботи на 16 годзин.
