ШИД – На вчерайшей конференциї за новинарох, окончователь длужносци директора Явней установи за физичну културу „Партизан” Драґан Яндрич новинаром гварел же тота установа нє пременєла цени за хаснованє спортскей гали, анї сали у „Партизану”.
Яндрич то виявел у присустве предсидательки Скупштини општини Шид Наташи Цвєткович, з чим деменатовал приповедки же цени за хаснованє ткв. шлєбодних терминох звекшани.
Пояшнєл же за годзину хаснованя гали цена 300 динари, цо нє меняне седем роки, новинаром указал и Одлуку Управного одбору о спомнутим виносу, наглашуюци же спортски дружтва галу и салу „Партизану” и далей безплатно хасную за тренинґи и змаганя. По одредзеним ценовнїку годзини ше наплацує лєм за рекреативне хаснованє простору и приватни школи фодбалу.