РУСКИ КЕРЕСТУР – Парохиянє Церкви Вознесеня Господнього и Дружтва Русанцох зоз Сримскей Митровици, Неґован Пелич (Шкрпан по мацери), Душка Костич (народзена Чордаш) и Звонко Беднар всоботу, 4. юлия нащивели Руски Керестур.
На тим єднодньовим вилєту перше нащивели свойого дакедишнього пароха о. Владислава Варґу у керестурскей парохиї хтори им указал Катедралну церкву св. о. Миколая, крипту дзе поховани нашо владикове, були у ш. Мартини, Малей шестри од Исуса дзе видзели як вона успишно пише икони. Нащивели Лонґов, а пред вечаром були на Служби Божей у Водици хтора на нїх охабела вельки упечаток и до хторей буду одтераз частейше приходзиц.
