КОЦУР – У валалскей Библиотеки „Данило Киш” у Коцуре, на пияток, 10. юлия, на 19 годзин будзе отримана кратка явна презентация о Википедиї на руским язику.
Присутни годни послухац як функционує Википедия, найвекша интернет енциклопедия на швеце, як ушориц и публиковац статю – енциклопедийну єдинку, притримуюци ше одредзених правилох.
Орґанизатор промоциї Елемир Джуджар за Рутенпрес наявел же преподаванє отримаю волонтерки википедиї зоз Руского Керестура, Ирина Олеяр и Светлана Папуґа зоз цильом анимирац сотруднїкох за Руску википедию як и ширеню знаня на руским язику.
Явну презентацию Википедиї на руским язику у Коцуре потримал и Национални совит Руснацох.