НОВИ САД – ЯКП Паркинг сервис Нови Сад обвисцело гражданох же од вчера, 21. юлия почина применьованє нових ценох за паркиранє у екстра зони, як и на завартих паркинґох при Сербским народним театре и у Улїци Ауґуста Цесарца.
У екстра зони, дзе мож авто охабиц лєм 60 минути, паркиранє будзе 100 динари по започатей годзини, а тельо и хаснованє завартого паркинґу при Сербским народним театре и у Улїци Ауґуста Цесарца – 100 динари по започатей годзини алє час нє огранїчени, стої у сообщеню.
Од 20. юлия до орґанизованого наплацованя паркираня вошли и часци коло Новосадского сайма.
До режиму белавей зони наплацованя паркинґу вошли: Дринска улїца (плато), Улїца Новосадского сайма – од Гайдук Вельковей по Дринску улїцу, угел улїцох Гайдук Вельковей и Новосадского сайма (плато) и Гайдук Велькова улїца.
Поднїмателє зоз дїловним простором на тих улїцох и превозку у власнїцтве маю право на повласцену паркинґ карту, од 2.370 динари за мешац днї, а упациц мож електронски прейґ онлайн порталу ЯКП Паркинг сервис Нови Сад.
За шицки додатни информациї гражданє можу контактовац ЯКП Паркинг сервис Нови Сад на телефонски числа: 021/4724140 и 0800/021104