РУСКИ КЕРЕСТУР – Пондзелок, 17. авґуста на терену при автобускей станїци почал турнир у баскету 3 на 3.
На тогорочним традицийним турниру у баскету 3 на 3 участвую осем екипи, седем зоз Руского Керестура и єдна екипа зоз Кули.
Стретнуца ше бавя 2×10 минути, або док ше нє посцигнє 21 кош.
Екипи хтори участвую: Comfort style, Dream Dekor, OK sorry prank, Иґокеа, РК Русин, КК Русин, ММС и СС Нереди.
Першого дня турнира одбавени три стретнуца, а зазначени шлїдуюци резултати:
Comfort style – ММС – 21:6;
Иґокеа – Dream Dekor – 14:15;
РК Русин – КК Русин – 21:15.
Орґанизатор турнира у баскету 3 на 3 у Руским Керестуре РК Русин.
