НОВИ САД – Манифестация „Литературиюм”, треца по шоре, будзе отримана на ютре на 20 годзин у Руским културним центре (РКЦ) у Новим Садзе, а тогорочна тема „Виходзенє вонка з рамикох”.
Програма почнє з отвераньом вистави фотоґрафийох Андреи Новак, а потим будзе промоция кнїжки поезиї Асї Папуґа „Гришка”, о хторей будзе бешедовац сама авторка и рецензент кнїжки Ваня Дула.
Тиж так, на програми ше представя и писателька Тамара Хрин, та Иґор Горняк Пишта, котри виведзе даскельо композициї з його реп-албуму „Open mind” (МАК 7-8/15), хтори реализовал вєдно з Мирком Преґуном (Reepgun).