НОВИ САД – Вецей як 50 роботодавателє понукню вєдно коло тисяч роботни места з обласцох електротехнїки, економиї, комерцияли, тарґовини, права, туризму, погосцительства, будовательства, здравства, та текстилного, поживового и ґрафичного фаху на ютрейшим Сайме за обезпечованє роботи у Новим Садзе.
Саям орґанизую Национална служба за обезпечованє роботи и Город Нови Сад, а орґанизаторе наявели же найглєданши роботнїки за обласц продукциї.
Нагоду за находзенє роботи буду мац и инфоматичаре, лїкаре, физиотерапеути, дефектолоґи, ветеринаре, менаджере, тарґовци, конобаре, кухаре и пекаре, автомеханїчаре и други.
Саям на ютре, 10. децембра, будзе у Заходним голу СПЕНС-у од 10 до 15 годзин.