РУСКИ КЕРЕСТУР – По допису Заводу за културу Войводини, Одбор за културу Националного совиту (НС) Руснацох вчера предложел кандидатох за три зоз штирох рочних наградох хтори Завод додзелює за творчи резултати у култури и уметносци и унапредзованє културного живота у АП Войводини.
За Награду „Искри култури за сучасну творчосц”, хтору ше додзелює младому авторови до 35 роки, Одбор нє дал предкладанє, а за Медалю култури за мултикултуралносц и интеркултуралносц Одбор и того року Заводу предклада КПД „Карпати” з Вербасу.
Повторене и предкладанє же би Мария Чурчич достала Медалю култури за очуванє културного нашлїдства, насампредз за єй роботу на Библиоґрафиї Руснацох у Впойводини, як и же би Ирина Папуґа од Заводу за културу Войводини достала Медаля култури за цалосну творчосц/роботу.
Предкладаня по предвидзени термин, по 2. марец, буду послати до Заводу за културу Войводини.