РУСКИ КЕРЕСТУР – З нагоди ютрейшого швета св. Миколая по григориянским календаре, у керестурскей церкви нєшка на 18,30 годзин будзе пригодна програма и дзелєнє пакецикох дзецом.
Програма будзе по Всеночним, хторе на 18 годзин, а пририхтали ю виронаучни дзеци зоз шестрами служебнїцами.
Пакецики, хтори финансовали родичи з по 400 динари, достаню 200 дзеци, як и стоцецеро дзеци зоз загрожених фемелийох, хтори обезпечели парохиянє, символично и Церковно одбор.
Миколай нєшка пополадню нащиви и старих на їх друженю у Каритасу.
Швето на ютре у Керестуре будзе означене з богослуженями у Катедралней церкви, хтора ноши мено праве св. о. Миколая.