РУСКИ КЕРЕСТУР – Двацети „Бамби-фест” дзецох з керестурского Оддзелєня „Цицибан” Предшколскей установи (ПУ) „Бамби” з Кули отримани вчера вечар у преполней Велькей сали Дому култури.
У атрактивней програми дзецинских танцох, шпиванкох и рецитацийох участвовали дзеци з пейц воспитних ґрупох хтори пририхтали їх воспитачки зоз своїма сотруднїцами.
Програму збогацели и школярки ґлумици-аматере Яна Настасич и Ребека Семан, музичну потримовку на „Бамби-фесту” дал Сашо Палєнкаш, а Дом култури безплатно обезпечел салу.
У голу, на уходзе до Велькей сали була и вистава дзецинских подобових роботох, од наймладших яшелькових по найстарших, предшколских.
На програми були и представителє ПУ „Бамби” з Кули, на чолє з директорку Весну Йовович.
