КОЦУР – У доме предсидательки Активу женох КУД „Жатва” Коцани Колєсар отримани традицийни пратки хтори жени з того здруженя уж вецей як двацец пейц роки орґанизую.
Окрем же ше на праткох дружа, членїци Активу женох за тот час вєдно штрикаю, вишиваю, гейґлую, алє ше и совитую, потримую, а вше єст часу и пофрантовац. По словох предсидательки Активу Коцани Колєсар, на праткох ше вше и порадза за даяки друженя и госцованя, коло представяня здруженя на рижних манифестацийох, та так було и тераз.
Пратки, и тоти як и кажди други, були провадзени зоз смачнима лакотками, старима рускима єдлами.