Асфалтує ше драгу през Бачинци

автор Вл. Дїтко
224 Опатрене

БАЧИНЦИ – Закончене асфалтованє драги од Ґибарцу по уход до Бачинцох, а од нєшка ше будзе асфалтовац драгу през Бачинци.

Як сообщене зоз локалней самоуправи, нєшка путнїцки авта годни хасновац улїци Фрушкогорску, Желєзнїцку, Вука Караджича и Бранка Радичевича през Бачинци, а терховни превозки муша хасновац алтернативну драгу Шид–Адашевци–Кузмин.

На штварток и пияток и путнїцки и терховни превозки, муша хасновац драгу Шид–Адашевци–Кузмин, а роботи ше окончую од 8 по 17 годзин.

З оглядом же ше почина стругац горнє асфалтне пасмо од Ґибарцу у напряме Шиду, спозоренє вожачом же ше транспорт будзе одвивац спомалшено з вименковим препущованьом превозкох.

ПОВЯЗАНИ ТЕКСТИ