ШИД – У 4. колу Општинскей фодбалскей лиґи Шид одбавени лєм три стретнуца. Информацию прецо нє одбавене стретнуце општинского дербия ФК „Єднота” зоз Шиду и ОФК „Бачинци” зме нє достали. Окрем того же тото стретнуце ма епитет општинского дербия, воно дерби екипох хтори маю исте число бодох – по 3.
ФК „Єдинство” на своїм терену у Люби призначел прешвечлїву побиду у стретнуцу зоз екипу ФК „Омладинац” зоз Батровцох, та резултат бул 7:2. Синдєлич зоз Ґибарцу и Єдинство зоз Моровичу бавели нєришено 1:1. У Бинґули домашня екипа страцела од ФК „Борац” зоз Илинцох зоз резултатом 2:0.
На таблїчки на першим месце Єдинство (М) зоз осем бодами, на другим и трецим месце по седем боди маю Синдєлич зоз Ґибарцу и Борац зоз Илинцох. Штварта екипа Омладинцу зоз Батровцох зоз 6 бодами, пияти ОФК „Бинґула” зоз штирома бодами, а на сподку таблїчки на шестим, седмим и осмим месце по три боди маю екипи Єдноти зоз Шиду, ОФК „Бачинци” и Єдинства зоз Люби.
На нєдзелю у пиятим колу Борац у Илинцох дочека екипу Єдинства зоз Люби, Єдинство зоз Моровичу будзе бавиц на своїм терену процив екипи ОФК „Бинґула”. Бачинчанє привитаю екипу ФК „Синдєлич” зоз Ґибарцу, а Омладинац зоз батровцох на своїм терену будзе бавиц процив екипи Єдноти зоз Шиду.