РУСКИ КЕРЕСТУР – Здруженє женох „Байка” почина свой нови проєкт, на стреду 10. януара у Майсторским доме дзе на 18 годзин почню роботнї зоз глїну (керамику).
Байка поволує шицких заинтересованих же би пришли и опробовали ше у тей файти старого ремесла. Зоз собу треба вжац: старши фартух, малу розвалку, шпундїю и подкладач на хторим мож розганяц глїну яґод цесто.
По словох предсидательки Здруженя, Славици Катоновей, нови Байков проєкт Знанє то моц – роботнї за виробок предметох зоз глїни потримала Автономна покраїна Войводини, а финансийно Завод за ровноправносц полох.