Чежке стретнуце за фодбалерох зоз Дюрдьова

автор Л. Вереш
146 Опатрене

ФУТОҐ – У другим колу Подручней фодбалскей лиґи Нови Сад, хторе одбавене 19. авґуста, фодбалере ФК Бачка 1923 зоз Дюрдьова страцели у стретнуцу зоз фодбалерами з Футоґу зоз резултатом 4:0.

Домашнєй екипи зоз Футоґу ше поспишело у шейсцох минутох посцигнуц аж три ґоли, у 34, 39. и 40. минути. Фодбелере Бачки мали даскельо добри нагоди за ґол, алє по конєц першого полчасу остали нєвихасновани.

У другим полчаше фодбалере Бачки ше намагали бавиц цо лєпше, алє нє мали щесца. У 51. минути Дюрдьовчанє прияли и штварти ґол, и уж ше теди знало побиднїка того стретнуца.

После того кола Бачка на дванастим месце зоз єдним бодом. У шлїдуюцим колу дюрдьовски фодбалере на домашнїм терену дочекаю фодбалерох зоз Сириґу.

ПОВЯЗАНИ ТЕКСТИ