Державна помоц за очкодованя пре вилїви

автор В. Вуячич, фото www.srbija.gov.rs
78 Опатрене

БЕОҐРАД – Влада Сербиї усвоєла Уредбу о утвердзованю державней Програми помоци и обнови очкодованих фамелийних обєктох пре вилїви у маю и юнию. Очкодовани будинки катеґорисани спрам очкодованя и за кажду катеґорию одредзени винос державней помоци, пише у сообщеню зоз схадзки.

На основу евиденцийох єдинкох локалней самоуправи, у 56 городох и општинох дзе преглашена позарядова ситуация, очкодоване блїзко 1.600 фамелийни будинки у власносци гражданох и прето нєобходне загроженим гражданом конкретно помогнуц у форми додзелєних безповратних пенєжних средствох.

Чкода настала пре моцни дижджи и вилїви швидких водох и других водоцекох у 21 управним округу: Златиборским, Моравичким, Колубарским, Шумадийским, Поморавским, Рашким, Южнобачким, Мачванским, Стредньобанатским, Расинским, Топличким, Нишским, Ябланичким, Борским, Заєчарским, Пчиньским, Пиротским, Подунавским, Браничевским, Сримским и у Городзе Беоґрад.

ПОВЯЗАНИ ТЕКСТИ