РУСКИ КЕРЕСТУР – На треци дзень Крачуна, 27. децембра у Катедрали св. отца Миколая означенє швето Штефана первомученїка и у шицких трох Службох було мированє.
Визначиц треба же на дзецинскей Служби Божей, хтору ше служи на пол дванастей, означени єй 25 рочни ювилей.
Парох керестурски о. Владислав Варґа визначел же то нє лєм ювилей тей Служби алє и шпивацкей ґрупи св. отца Миколая котра тельо роки шпива у нєй. О. Варґа им з тей нагоди подзековал на тим и дал подзекованє руководительки Лидиї Пашо.
Вона за Рутенпрес виявела же їх шпиванє нє лєм обичне шпиванє, то заєднїцтво шицких шпивачох, то заєднїцка молитва през шпиванє цалей ґрупи прето є и окремне.
