РУСКИ КЕРЕСТУР – Перши Жимски ноцни турнир у малим фодбалу у спортскей гали у полним замаху и тераз шлїдзи тото главне, полуфинални стретнуца, дзе штири екипи котри указали найвецей на тим турниру, укажу котра екипа ма квалитет же би направела ище єден крочай вецей и прешла до велького финалу.
У тижню за нами, одбавени стретнуца по ґрупох, другопласовани и трецепласовани екипи бавeли за штварцину финала и одбавени стретнуца штварцини финала.
Пондзелок 11. и вовторок 12. децембра закончели ше бавеня по ґрупох и зазначени шлїдуюци резултати:
пондзелок 11. децембра:
Бостон ресторан (Руски Керестур) – Ґоц Дуо (Червинка) – 0:5
Ґоц Дуо (Червинка) – Заборавлєни (Червинка) – 3:1
Варґини пулени (Оджак) – Фурни ентериєри (Вербас) – 0:3 пф.
Вовторок 12. децембра:
Перше стретнуце одбавели когуцики ФК „Русин”, а процивнїк им була екипа зоз Лалитю. Були два кратши стретнуца, перше бавели хлапци зоз другей класи и зазначели побиду од 3:0, шицки три ґоли дал Лука Тасич, а потим друге стретнуце одбавели хлапци зоз першей класи и зазначели побиду од 2:1, а обидва ґоли за Русин дал Матей Варґа. Потим одбавени ище два стретнуца у сениорскей конкуренциї:
Без спонзора (Руски Керестур) – Кафе бар боем (Чонопля) – 3:5
Аладин екстра (Червинка) – Полет Каравуково (Каравуково) – 3:0 пф.
Стреду 13. и штварток 14. децембра одбавени стретнуца осмини финала и зазначени шлїдуюци резултати:
стреда 13. децембра:
Аладин екстра (Червинка) – Брестовец (Бачки Брестовец) – 5:3
Колосеум и Ново плус (Червинка) – Луксор фурнитуре (Руски Керестур) – 3:1
штварток 14. децембра:
Заборавлєни (Червинка) – Кафе бар боем (Чонопля) – 1:7
Дослов Компани (Суботица) – Без спонзора (Руски Керестур) – 10:2
Пияток 15. и всоботу 16. децембра були резервовани за стретнуца штварцини финала, дзе шицки осем екипи були под’єднаки, цо лєм гутори о квалитету тогорочного першого Жимского турнира у малим фодбалу. Пияток одбавени три стретнуца, док всоботу одбавене лєм єдно стретнуце штварцини финала.
Пияток 15 децембра:
НТМ Чикерия (Вербас) – Кафе бар боем (Чонопля) – 6:1
Ґоц Дуо (Червинка) – Колосеум и Ново плус (Червинка) – 4:3
Аладин екстра (Червинка) – Фурни ентериєри (Вербас) – 3:4
всоботу 16. децембра:
Перше ревиялне стретнуце одбавели ветеранє Русина процив ветеранох Кули, а потим шлїдзело и остатнє стретнуце штварцини финала.
Фруштук плус (Кула) – Дослов Компани (Суботица) – 3:3 (пенали 1:2)
Нєшка, 18. децембра бави ше перше полуфиналне стретнуце на 21 годзин медзи екипами Ґоц Дуо (Червинка) – Фурни ентериєри (Вербас), док ше друге полуфиналне стретнуце будзе бавиц на стреду на 21 годзин, медзи екипами НТМ Чикерия (Вербас) – Дослов Компани (Суботица).
Стретнуца за треце место и финале заплановане же би ше одбавело на пияток 22. децембра.
