ПЕТРОВАРАДИН – У 20. колу Подручней фодбалскей лиґи Нови Сад, хторе одбавене 9. априла, фодбалере Бачки 1923 зоз Дюрдьова победзели у стретнуцу зоз фодбалерами Петроварадина, зоз резултатом 1:2.
Перши ґол на стретнуцу дали бавяче Бачки у 13. минути, цо дюрдьовским фодбалером дало мотивацию же би ище лєпше бавели. Домашнї о пейц минути, у 18. минути виєдначели. Перши полчас закончени нєришено, 1:1.
У другим полчаше фодбалере Бачки ше намагали же би резултат преобрацели на свой хасен. Дюрич у 65. минути схопно копнул до лабди хтора закончела у процивнїцким ґолу. Бул то други ґол за Бачку и остатнї на тим стретнуцу.
Вельке число жовтих картонох на стретнуцу, штири за фодбалерох Бачки, три за домашнїх, як и єден червени указую же на терену нє було спортского справованя.
После того кола Бачка ище вше на пиятим месце на таблїчки зоз трицец осем бодами. У шлїдуюцим колу дюрдьовски фодбалере на домашнїм терену привитаю фодбалерох Юґовича зоз Катю.