КУЛА – Внєдзелю, 11. юния ище єден дзень бул окремни у парохиї Святого Йосафата, того дня друга ґрупа парохиянох прияли Першу Святу Причасц.
На Служби Божей котру служел єрей о. Зеновий Рацки зоз далєкей Австралиї, котри на Служби источашнє и наказовал, Єлена Кощук, Ирена Воротняк, Хана Дацишин, Доротея Ганцко, Иван Воротняк, Андрий Дацишин и Алексий Демкович ше перши раз стретли зоз Исусом под видами хлєба и вина.
Єрей Зеновий Рацки, парох и настоятель єромонах Дамян Кича, ЧСВВ, сотруднїк єромох Платон Салак, ЧСВВ, Шестри СНДМ – настоятелька Надїя Воротняк, Цецилия Суботнїцки, Татяна Воротняк, Церковни одбор на чолє зоз Теодором Процкиєвичом и шицкима парохиянами щиро винчую першопричашнїком.