ПАЛИЧ – У рамикох 33. Спортских бавискох „Яша Баков”, всоботу, 22. юния отримане змаганє у одбойки на писку. Змаганє отримане на Паличу у соорґанизациї Дружтва Руснацох у Суботици.
Учасвовали штири екипи: „Папивинґ” Д.о.о Вербас, Руски културни центер Нови Сад, СД „Русин” Руски Керестур и Дружтво Руснацох у Суботици.
Бавело ше по системи на два добити сети, а перше место завжала екипа ,,Папивинґ” Д.о.о. Вербас.