БЕОҐРАД – Беоґрадска надбискупия 6. мая на своїм сайту наведла же шветово медиї споминаю кардинала Ладислава Немета же є у узшим кругу за нового папу. Вибор за нового папу – конклава почина 7. мая.
Кардинал Немет, СВД, будзе перши кардинал електор у историї Католїцкей церкви хтори зоз Сербиї а участвує у вибору папи. За кардинала го прешлого року меновал нєдавно покойни папа Франциск.
Надбискупия пренєсла писанє нємецкого часописа Космо же медзи можлївима кандидатами за папу ше спомина и дзешец мена медзи хторима и кардинал Немет. Медиї пишу же кардинал Немет мост медзи Виходом и Заходом, же є порихтани на диялоґ и нову визию Католїцкей церкви.
Вибор папи будзе у Сикстинскей каплїчки у тайносци кардиналох хторим онєможлївена комуникация зоз шветом под час вибору папи.