РУСКИ КЕРЕСТУР – Женски рукометни клуб „Русин” всоботу 28. септембра у спортскей гали у Руским Керестуре одбавел друге першенствене стретнуце Другей лиґи Войводини процив екипи ЖРК „Халас Йожеф 2” зоз Ади и на домашнїм терену зазначели побиду зоз резултатом 16:14 (8:5).
За ЖРК „Русин” наступели – Лена Малацко, Ивана Пеїн, Валентина Гарди, Милена Рамач, Аня Симич, Теодора Русковски, Андрияна Штранґар, Марияна Сивч, Кяра Будински, Сабина Планчак, Александра Штранґар, Ема Венґрин, Изабела Макаї, Николина Радович и Єлена Фейди.
При керестурских рукометашкох найвецей ше визначели Кяра Будински зоз посцигнутима осем ґолами, а тиж ефикасни були и Аня Симич и Александра Штранґар хтори дали по три ґоли.
У идуцим 3. колу першенства Другей лиґи Войводини ЖРК „Русин” будзе бавиц у Петроварадину процив екипи ЖРК „Петроварадин”.
