НОВЕ ОРАХОВО – У Новим Орахове, вовторок, 6. децембра було отримане стретнуце у рамикох 32. Дньох Миколи М. Кочиша, хторе почало з минуту цихосци за покойну професорку Сенку Бенчик. Була то нагода же би представительки Дружтва за руски язик, литературу и културу Ирина Папуґа и Мария Надь до Месней заєднїци Нове Орахово уручели прикладнїки кнїжки „Лексични паралелизми” авторки мср Сенки Бенчик.
У мено Месней заєднїци Нове Орахово кнїжки прияла Гайналка Шипош, а Дружтво за руски язик, литературу и културу на тот завод подзековало Месней заєднїци же помогли же би ше тота кнїжка Бенчиковей друковала.
На тим стретнуцу додзелєни дипломи Министерства просвити за освоєни перши места на републичним змаганю зоз руского язика Марини Барна и Даниєли Бицок.
На стретнуцу була предсидателька КУД „Петро Кузмяк” Татяна Дудаш и Руснаци хтори жию у тим нашим валалє. Була то ангода же би ше побешедовало о їх живоце у тим валалє. На концу представителє Држтва були на гробе Штефана Чакана у Новим Орахове и на гробе мрс Сенки Бенчик у Бачкей Тополї.
