НОВИ САД – Хор Прокатедралней церкви Успения Пресвятей Богородици зоз Коцура, хторому дириґовал Александар Планкош шпивал цалу Службу Божу у Конкатедралней церкви святих апостолох Петра и Павла у Нови Сад.
Внєдзелю, 9. новембра на Служби Божей у новосадскей церкви першираз шпивал коцурски хор Церкви Успения Пресвятей Богородици. Службу служел парох новосадски о. Дарко Рац, а Апостол читал Йовґен Надь.
После служби друженє парохиянох и членох хору предлужене у церковней сали дзе новосадски парох о. Дарко Рац подзековал на шветочним и побожним шпиваню и подаровал госцом икону на памятку.
