Отримана промоция нових кнїжкох у школи (фото+видео)

автор Л. Вереш
96 Опатрене

ДЮРДЬОВ – Друга часц означованя XXXI Културней манифестациї „Костельникова єшеньˮ у Дюрдьове отримана вчера, 19. новембра у Основней школи „Йован Йованович Змайˮ.

Школяром представени найновши виданя – сликовнїци „Здравканє то красне воспитанєˮ Ирини Гарди Ковачевич, „Числаˮ Наташи Еделински Миколка, „Єдначини през бавискоˮ Оксани Мудри Недич и „Карпатски шарканьˮ Олени Планчак Сакач. Школяром шестей класи була представена и кнїжка „Костельник и други темиˮ Миколи М. Цапа.

Модераторка промоциї була редакторка виданьох Ясмина Дюранїн, а о кнїжкох зоз школярами бешедовала и авторка Олена Планчак Сакач, чия кнїжка була окреме замеркована.

Школяре дзечнє участвовали у розгварки, одвитовали на питаня, а тиж и читали виривки зоз представених кнїжкох.

ПОВЯЗАНИ ТЕКСТИ