ВЕРБАС – У Грекокатолїцкей церкви святого Владимира у Новим Вербаше тиж святочно преславени Крачун и радосц Рождества Христового.
На Вилїю, 6. януара, пред вельким числом вирних отримане Всеночне бдениє зоз святим богослуженьом котре служел парох нововербаски о. Данил Задрепко.
На концу Служби Божей того дня було и мированє присутних вирних. Радосне швето и у нововербаскей парохиї возвелїчане зоз приходом парохиянох до церкви, зоз молитву и колядованьом найкрасших крачунских колядох.
Нєшка, на треци дзень Крачуна, 9. януара, Службу Божу у церкви святого Владимира зоз шпиваньом колядох прикраши Церковни хор грекокатолїцкей церкви Успения Пресявтей Богородици зоз Коцура. Служба Божа почина на 9 годзин.