РУСКИ КЕРЕСТУР – Даниєла Рамач, Милена Рамач и Яна Варґа освоєли перши места у трох возросних катеґорийох на вчерайшей Месней смотри рецитаторох котра отримана у Доме култури у Руским Керестуре.
У младшим возросту попри Даниєли, зоз другим местом наградзена Заря Ковач, док треца була Кристина Рамач. У катеґориї штреднього возросту попри першопласованей Милени, друге место припадло Маї Надь, док треци бул Исак Новта, а зоз истей старосней катеґориї пласман на Општинску смотру виборела и Кристина Жеґарац.
У катеґориї найстарших рецитаторох, попри першопласованей Яни, друге место виборела Валентина Новта, а треца була Ема Живкович. З истей катеґориї, пласман виборела и Катарина Почуча.
На Смотри у шицких трох старосних катеґорийох наступели 16 рецитаторе, селекторе були доц. др Александер Мудри и Цвиєта Мучалица, висши референт за културу у Општинскей управи Кула.
Фахови руководителє рецитаторох були – Оленка Живкович, хтора пририхтовала рецитаторох у шицких трох старосних катеґорийох, Мирослав Малацко у штреднїх и старших старосних катеґорийох, а школярку Катарину Почуча, у старшей ґрупи, пририхтала Єлена Виленица Троґерт.
За наймоцнєйшу ґрупу преглашени наймладши рецитаторе, школяре од 1. по 4. класу основней школи, хторих пририхтала Живковичова, та ше на Општинску смотру пласовали и – Сара Малацко, Олеґ Катона и Михаела Малацко.
Општинска смотрa у Кули будзе отримана на пияток, 14. марца.
