БЕОҐРАД – Предсидатель Влади Сербиї Милош Вучевич сообщел на позарядовей конференциї за новинарох же дава задзекованє на тоту функцию, пренєсли медиї и аґенциї.
На позарядовей конференциї за медиї, хтора отримана 28. януара Вучевич гварел же так одлучел кед дознал же покалїчена млада жена, студенткиня, нєшка вчас рано у Новим Садзе опрез просторийох Сербскей народней странки на Булевару ошлєбодзеня. Пре тот напад дава нєоповолуюце задзекованє, хторе прилапел предсидатель Републики Сербиї Александар Вучич. У бешеди визначел же очекує же ше тензиї у дружтве змиря и же ше поруша диялоґ.
У медзичаше и городоначалнїк Нового Саду Милан Дюрич задзековал, цо на конферециї наявел потерашнї предсидатель Влади Милош Вучевич.