БЕОҐРАД – Министерство просвити и представнїки репрезентативних синдикатох зоз обласци образованя, отримали вчера 23. януара схадзку о вименкох законских предписаньох зоз обласци образованя и зложели ше же у тей хвильки потребне вименїц члени закона хтори уводзенє державней матури прекладаю, гвари ше у сообщеню Министерства просвити.
Догварене, пише у сообщеню же ше у наиходзацим периодзе предлужи диялоґ и розпатранє других важних питаньох зоз обласци образованя, з цильом злєпшаня системи и посцигованя заєднїцких ришеньох хтори буду у найлєпшим интересу за школярох, наставнїкох и ширшей образовней заєднїци.