НОВЕ ОРАХОВО – У доме КУД „Петро Кузмяк” у Новим Орахове, всоботу 9. марца отримана програма знагоди Дня женох, хтору зоз школярами Николом Станисавлєвичом, Петриком Варґом, Миряну Бицок и Матилду Барна порихтала наставнїца Таня Дудаш, хтора у ораховскей и бачкотольскей школи отримує виборну наставу руского язика.
Школяре рецитовали, читали шпивали писнї пошвецени мацером, бабом, порихтали им и дарунки и на тот способ осмомарцовске стретнуце було окремне. На нїм були мацери, баби, членїци Дружтва хтори помагаю у активносцох.
Дружели ше после програми и тот дзень и школяром и женом, цо були присутни, бул иншаки як други.