СРИМСКА МИТРОВИЦА – У церковней сали после благодарней Служби божей бул порихтани етно-стол хтори порихтали членїци КУД Иван Котляревски зоз Бикичу и жени зоз того валалу.
Невенка Бобаль надпомнла же єдла на етно-стол пекли 14 жени, а кажда упекла по 3-4 єденя, медзи котрима були углавним нашо руски єдла – капущанїки, ґоргелї, ґуґлофи, бобальки, колачи на квасу и велї други лакотки. Етно-стол бул барз богати, мож повец же найлєпши яки бул на шветох дотераз.
Члени дзецинскей танєчно-шпивацкей ґрупи КПД „Иван Котляревски“ зоз Бикичу, хторих пририхтала уметнїцка руководителька Любов Зейкан Бобаль, одшпивали вецей коляди.
