НОВИ САД – У Ґимназиї „Лаза Костич” (Лази Лазаревича 1) у Новим Садзе всоботу, 2. децембра зоз представу „Конєц” закончени 21. Фестивалє малих сценских формох „Дюра Папгаргаї”.
Представа „Конєц”, бантер комедия по мотивох зоз интервюох, писмох, писньох и приповедкох Чарлса Буковского у продукциї Драмского студия „Звонимир Павлович” Руского културного центру, Нови Сад.
Автор и режия Славко Винаї, глумели Борислав Сакач у улоги Краля, Ася Папуґа як Кралїца, Владимир Манько бул Поета, а Желько Сопка и Йован Бєлица як Стражаре. Наратор Славко Винаї, суфлерка Ивана Чордаш, музика и звучни ефекти Мирослав Пап, дизайн шветла Ириней Гудак, сценоґрафия Єлена Симонович и Славко Винаї, а продуцент и орґанизатор представи Владимир Сивч.
21. Фестивалє малих сценских формох „Дюра Папгаргаї” тирвал два днї 1. и 2. децембра. Першого вечара, пияток 1. децембра, отворена вистава малюнкох Мариї Йозанов. Потим виведзена представа Дюри Папгаргая „Вистата конїцаˮ у продукциї РКУД „Гавриїл Костельникˮ, у режиї Янка Лендєра, ґлумели Амалия Ковач и Янко Лендєр, сценоґрафию порихтали Нада Лендєр и Ярослав Ковач, суфлер и костими Нада Лендєр, музика и ефекти Мирослав Стричко.
Фестивал малих сценских формох „Дюра Папгаргаї” орґанизує Матка – Дружтво Руснацох Нового Саду – Войводини зоз финансийну потримовку Покраїнского секретарияту за културу, явне информованє и одношеня зоз вирскима заєднїцами, Покраїнскoго секретарияту за образованє, предписаня, управу и национални меншини – национални заєднїци, Городу Нови Сад Городска управа за културу Нови Сад и Националного совиту рускей националней меншини у Републики Сербиї.
