21. НОВЕМБЕР – На нєшкайши дзень народзена ґлумица Ирена Колесар.
1497 – Васко де Ґама постал перши моряк хтори оплївал Кончик Добрей Надїї на самим югу Африки, глєдаюци драгу до Индиї.
1877 – Народзени мадярски писатель Ендре Ади.
1906 – Медзинародна радио-телеґрафска конференция у Берлину запровадзела шветови сиґнал за ладї у опасносци – СОС.
1925 – Народзела ше югославянска филмска и театрална ґлумица Ирена Колесар (Славонски Брод, 22. новембер 1925 – Заґреб, 3. септембер 2002), була перша послевойнова югославянска филмска гвизда. Кариєру ґлумици Ирена Колесар одпочала як членїца драмскей ґрупи Тринастей пролетерскей бриґади Раде Кончар а 1947. року предлужела ю у Горватским народним театру. Филмскей публики остала у паметаню по улоги Славици у филму Вєкослава Африча Славица хтори зняти 1947. року. На сцени у Югослвянским драмским театру у Беоґраду почала ґлумиц 1952. року и остала полни 20 сезони. Як театралну ґлумицу публика ю памета по улогох младих характерних женох, а окреме удатни були єй уметнїцки креациї Шекспировей Офелиї, Дездемони и Хермиї чийо улоги бавела 15 сезони на Дубровацких лєтнїх бавискох. Одбавела коло пейдзешат улоги, бавела у 7 филмох и 10 телевизйних продукцийох. Руска заєднїца паметанє на позарядову особу и ґлумицу зачувала през моноґрафию Ошмих порцуловей фиґурини хтору пририхтал Владимир Балащак.
1930 – Народзел ше Михайло Онещук (Мостар, 22. новембер 1930 – Нови Сад, 4. септембер 2016), познати вокални солиста Радио-телевизиї Войводини.