27. ЮЛИЙ – На нєшайши дзень народзел ше учитель Яким Олеяр.
1733 – Пре защиту од чуми, у Европи першираз одредзени карантин за путнїкох.
1789 – Конґрес ЗАД основал Оддзелєнє за вонкашнї дїла, хторе потим постало Стейт Департмент.
1824 – Народзени писатель Александар Дима, син (Париз, Французка, 27. юлий 1824 – Марли Ле Роа, Французка, 27. новембер 1895).
1872 – Народзени композитор и дириґент и педаґоґ Станислав Бинички (Ясика, при Крушевцу, 27. юлий 1872 – Беоґрад, 15. фебруар 1942), автор є першей сербскей опери На уранку и вояцкого маршу На Дрину.
1907 – Народзени маляр академик Петар Лубарда (Люботинь, при Цетиню, 27. юлий 1907 – Беоґрад, 13. фебруар 1974), бул член Сербскей акдемиї наукох и уметносцох.
1915 – Народзени оперски шпивач, тенор Марио дел Монако (Фиренца, Италия, 27. юлий 1915 – Местре, Италия, 16. октобер 1982), хторого критичаре преглашели за тенора епохи.
1921 – Канадски лїкаре Фредерик Ґрант и Чарлс Бест першираз изоловали инсулин, цо нєодлуга оможлївело ефикасне лїченє по теди смертельней цукровей хороти.
1914 – Народзел ше учитель Яким Олеяр (Дюрдьов, 27. юлий 1914 – Нови Сад, 2. юлий 1998). Закончел Учительску школу у Зомборе и як учитель робел у школох у Любиї (Босна), Петровцох (Горватска), Руским Керестуре, Дюрдьове и Новим Садзе. Писал учебнїки, поезию за дзеци, приповедки, и тексти за дзецински театер. Роботи обявйовал у Руским слове, Пионирскей заградки, Шветлосци, Народним календаре и Новей думки. Заступени є у Антолоґиї дзецинскей поезиї Хмара на верху тополї, тиж Антолоґиї поезиї за дзеци, и у антолоґиї дзецинскей поезиї на лемковскей бешеди Мамко куп ми кнїжку. НВУ Руске слово обявело його три кнїжки: Вивирка чека жиму, Весели часи и Мали швет. Зазначовал народни шпиванки, вереня войводянских Руснацох, виглєдовал народни обичаї. Бул активни у КУД Тарас Шевченко у Дюрдьове, дзе водзел музичну и театралну секцию.