НОВИ САД – Школяре хтори уча руски язик з елементами националней култури у новосадских основних школох, вчера, 22. децембра у Руским културним центре (РКЦ) у Новим Садзе отримали Крачунско-новорочну програму „Пахулька”, з хтору випровадзели перше полроче у школским року.
Програма почала зоз промоцию сликовнїци „Животинї – у дїдовим и бабовим дворе”, авторки текстох Наташи Еделински Миколка, а зоз илустрациями Ивани Бучко, хтору нєдавно видала НВУ „Руске слово”. Тексти зоз кнїжки читала авторка Наташа Еделински Миколка, а дзеци анимирали илустраторка Ивана Бучко и Мая Зазуляк Гарди.
А вец на Крачунско-новорочней програми през рецитациї и шпиванки дзеци указали цо научели, а пририхтали их наставнїци рукого язика Ана-Мария Рац и Оля Яковлєв, а у музичней часци им помогли Владимир Сивч и Йован Бєлица.
И того року дзеци зоз шпиванку доволали и Дїда Мраза.
Проєкт потримал Город Нови Сад, Городска управа за културу.
