На покраїнску смотру пласовали ше и пецеро по руски

автор Д. Барна, фото С. Рамач
590 Опатрене

БАЧ – На зонскей смотри рецитаторох „Поето народу мойого”, котра отримана у Бачу 1. и 2. априла наступели тринацецеро хтори гуторели стихи по руски, а на покраїнску смотру до Сечню, котра будзе од 21. по 23. април ше пласовали пецеро.

У наймладшим возросту зоз Коцура участвовали Николина Маґоч и Филип Буїла, зоз Руского Керестура Леонтина Еделински и Милена Рамач, а зоз Дюрдьова Мария Рамач. Зоз того возросту на покраїнску смотру ше пласовали Милена Рамач зоз Керестура и Мария Рамач зоз Дюрдьова.

У штреднїм возросту по руски зоз Руского Керестура рецитовали Ема Живкович, Мая Надь и Исак Новта, зоз Дюрдьова Иван Молнар, а зоз Нового Саду, на сербским язику рецитовал и Серґей Дюранїн. На покраїнску смотру пласовал ше Иван Молнар.

У старшим возросту зоз Руского Керестура наступели Минеа Югас и Валентина Новта, а зоз Дюрдьова Милица Михальовски. На дальши уровень рецитованя зоз тей ґрупи ше пласовали Валентина Новта и Милица Михальовски.

За зонску смотру у Бачу рецитаторох пририхтали слїдующи фахово руководителє: Оленка Живкович, Мирослав Малацко зоз Руского Керестура, Славица Чельовски з Коцура и Йоаким Гарди зоз Дюрдьова.

ПОВЯЗАНИ ТЕКСТИ