РУСКИ КЕРЕСТУР – На 56. Зонскей смотри дзецинскей театралней творчосци, награду жирия публики достал Олеґ Катона хтори толмачел главну подобу у дзецинскей представу „Петро Пан”.
Представу виведла дзецинска секция Драмского студия „Артˮ, у чиїм составе, попри Катони и –Даниєла Рамач, Ена Сабадош, Михаела Малацко, Марко Еделински, Андрей Надь, Милица Джакула, Даниєл Винаї, Стефани Рац, Лара Рац, Кристина Рамач, Йована Кушич, Надя Варґа, Сара Малацко, Хана и Лена Пашо, Заря Ковач, Лина Папуґа и Надя Станкович, а през приповедку патрачох водзи Кристина Гарвильчак.
Представа правена по тексту шкотского писателя Джеймс Метю Берия, а у режиї Ребеки Планчак и Мирослава Малацка.
Технїчна потримовка –Неманя Вукосав, майстор шветла Желько Пашо, а за костими, шминку и фризуру задлужени Андрея Штефанко и Сара Планчак.
Дзецинска представа „Петро Панˮ премиєрно виведзена у рамикох тогорочного 57. Драмского мемориялу Петра Ризнича Дядї.
