СЕРБИЯ – Од хвильки кед штварток, 16. януара на мирним студентским протесту и даваню чесци настрадалим у нєщесцу на новосадскей Желєзнїцкей станїци, авто вдерел студенткиню, хторей потим у Урґентним центре констатоване же є чежко тїлесно покалїчена, и нєзадовольни зоз одвитом яки репрезентативни синдикати посцигли зоз Владу Сербиї просвитни роботнїки у школох ширцом Сербиї почали приношиц одлуки же на пондзелок, 20. януара застановя наставу, преноши портал Желєна учальня (Зелена учионица).
Портал Желєна учальня преноши же тота одлука у даєдних школох єдногласна, даґдзе часц занятих буду нормално робиц, а часц будзе у штрайку, док у даєдних школох друге полрочє почнє нормално.
Цали текст мож пречитац на тим линку.