ВЕРБАС – У Вербаше од нєшка, 23. юлия по нєдзелю 26. юлий будзе отримане Мото стретнуце у орґанизациї вербаского Мото клуба „Парадизо”.
Стретнуце ше и того року отрима на теренох Центра за физичну културу „Драґо Йовович”, а по словох орґанизаторох, обчекує ше байкерох зоз шицких крайох Сербиї и зоз жемох з окруженя.
И за тогорочне Мото стретнуце порихтани рижни интересантни змисти, та так першого дня наступя „Ґимназиялци” и „Дионис”, другого дня присутних забавя ґрупи „Ледене очи” и „Прляви инспектор Блажа и Клюнови”, a за соботу вечар наявени наступи ґрупох „Ночни путници” и „Belo kopche” (tribute „Bijelo dugme”).
За байкерох уход безплатни шицки три днї, а окрем кампу, полудзенку, байкерских бавискох, дефилеа и велїх других змистох, орґанизаторе и того року порихтали томболу з вреднима наградами, а главна награда CF Moto Dual 250. Ґенерални спонзор томболи CF Moto.
Орґанизаторе поволали шицких любительох моторкох, добрей рок музики и друженя же би нащивели терени Центра за физичну културу у Вербаше и уживали у порихтаней програми.