РУСКИ КЕРЕСРТУР/НОВИ САД – Новинско-видавательна установа „Руске слово” обезпечи шицким предшколским установом, сликовнїци и кнїжки по руски за наймладших, котри тота Установа видава.
Насампредз ше сликовнїци и кнїжки за дзеци обезпечи предшколским установом у Руским Керестуре, Коцуре и Дюрдьове, алє и по других местох дзе за тото будзе потреба.
Повод за таку одлуку була промоция у ПУ „Бамби” у Руским Керестуре сликовнїци за наймладших „Мойо перши слова”, котру обдумала Ясмина Дюранїн, а з помоцу штучней интелиґенциї илустрациї обдумал Иґор Орсаґ.
Скорей НВУ „Руске слово” подаровало Явней предшколскей установи „Бошко Буха”, оддзелєню у Коцуре „Герлїчка”, комплет нових кнїжкох за дзеци.