ИЛИНЦИ – Фодбалски клуб „Бачинци” внєдзелю 25. мая у Илинцох одбавел остатнє штернасте першенствене стретнуце другей полусезони Општинскей фодбалскей лиґи (ОФЛ) Шид процив екипи ФК „Борац” и зазначел прешвечлїве пораженє зоз резултатом 13:0.
Бачинци бавели у составе: Неманя Малетич, Сретен Крстич, Милош Ґлушац, Милан Єлич, Неманя Растович, Йован Субич, Милан Прерадович, Ален Николич и Младен Йович.
Екипа ОФК Бачинци после одбавених 14 колох першенство ОФЛ Шид закончел на остатнїм 8. месце зоз освоєнима 6 бодами, дзе зазначела 2 побиди и 12 стретнуца страцела.