ЗЕМПЛИНСКА ТЕПЛИЦА (СЛОВАЦКА) – Школяре осмей класи Основней школи „Петро Кузмякˮ з Руского Керестура, прешлого тижня ше врацели зоз екскурзиї зоз Републики Словацкей, точнєйше зоз Земплинскей Теплици, дзе три днї мали нагоду упознац ше и дружиц зоз домашнїма парняками, нащивиц їх городи и знаменїтосци, а домашнї за нїх орґанизовали и рижни активносци и роботнї.
На екскурзию пошли 18-ецеро школяре, у провадзеню їх оддзелєнского старшини, наставнїци Оливери Винаї, а спред Националного совиту Руснацох бул предсидатель Вивершного одбору НС Желько Ковач.
Екскурзия представя дакедишню Жимску школу, и то уж пиятираз же НС орґанизує таку екскурзию, а на основи подписаного спорозуменя медзи двома Меснима заєднїцами, керестурску и Земплинску Теплицу.
