ШИД – У Словацким доме, а у орґанизациї Здруженя „Сримска забивачка и колбасияда“ отримана 26. манифестация „Сримска колбасияда“, вибор за найлєпши сухи колбаси.
Фахови жири оценєл вкупно 90 прикладнїки колбаси хтори приявели продукователє нє лєм зоз Шиду и околних местох, алє и з других державох – зоз места Ормож зоз Словениї.
Абсолутни побиднїк на манифестациї Бранислав Чобанович зоз Шиду, а спрам освоєних бодох додзелєни и пейц перши места односно златни погари, 10 други места односно стриблово и 15 треци места односно бронзово погари.
Побиднїки преглашени и припознаня придати на шветочней вечери у Словацким доме, а шицких забавяла оркестер „Дунавске зоре“ зоз Борова.