ДЮРДЬОВ – Змаганє у кошарки „3 на 3”, у орґанизациї 33. Спортских бавискох „Яша Баков”, як перше змаганє у тим року, отримане 24. марца у Дюрдьове. Змаганє отримане у Основней школи „Йован Йованович Змай”, а суорґанизатор було дюрдьовске Културно-уметнїцке дружтво „Тарас Шевченко”.
Учасц вжали три екипи: „Папивинґ” Д.о.о Вербас, „Руски културни центер” Нови Сад и КУД „Тарас Шевченко”.
Перше место у екипним змаганю завжала екипа „Папивинґ” Д.о.о Вербас.
По законченю екипного змаганя отримане и поєдинєчне змаганє у руцаню „тройкох”. Участвовали тринацецеро змагателє, а найлєпши бул Саша Загорянски.
