Перша Служба Божа о. Ярослава Варґи у Новим Садзе

328 Опатрене

НОВИ САД ‒ Отец Ярослав Варґа служел свою першу Службу Божу у Церкви св. апостолох Петра и Павла у Новим Садзе 20. авґуста, вєдно зоз парохом новосадским о. Юлияном Рацом, а дзияковал Йовґен Надь.

Неоєрея о. Ярослава привитал о. Юлиян, хтори надпомнул же о. Варґа син керестурского пароха о. Владислава Варґи и панїматки Славици и же є тераз капелан у Руским Керестуре.

У своєй казанї, о. Ярослав гварел же нам Бог пребачує грихи и препущеня, алє ми чежко пребачуєме другим, та и сами себе. Ми християнє треба же бизме допущели другому же би ше пременєл. Кед нє пребачуєме, гнїв то отров у нас, та вец наставаю и психосоматски хороти, спозорел о. Варґа хтори после Служби присутним подзелєл свой неоєрейски благослов.

Внєдзелю парох о. Рац замодлєл вирних же би прейґ Каритасу помогли Словениї пре вельки вилїви, а як гварел, треба мац на розуме же нам Словенци барз помагали дзеведзешатих рокох под час войни.

ПОВЯЗАНИ ТЕКСТИ