РУСКИ КЕРЕСТУР – Конкурси хтори розписал Дом култури Руски Керестур за нови шпиванки за „Червене пупче” и у забавним духу за „Червену ружу” отворени по 31. марец 2023. року.
Конкуровац можу шицки заинтересовани особи зоз жеми и иножемства. Єдна особа може буц автор, лєбо коавтор найвецей двох шпиванкох, а шпиванки нє шму буц предходно виводзени.
Прияви на конкурс посила ше по пошти, або приноши особнє на адресу: Дом култури Руски Керестур, Русинска 75, 25233 Руски Керестур, За Фестивал рускей култури „Червена ружа”, лєбо на имейл адресу dk.kerestur@gmail.com.
Цали тексти и условия конкурсох мож опатриц на сайту domkultureruskikrstur.com.
Фестивал будзе отримана 30. юния и 1. юлия.
