РУСКИ КЕРЕСТУР – Други дзень у Школи отримана цикава програма Фестивал дзецинскей творчосци дзе участвовали школяре IVa IVб класи котри источашнє ходза и до музичней школи (ШОМО). Так отримани „Кристинов концерт з товаришами за товаришох”.
Наступела як окреме успишна и наградзована школярка котра грає на клавире Кристина Гарвильчак и єй товарише тиж на клавире и на гармоники. У програми з музичнима точками дзе грали и шпивали наступели и ґимназиялки зоз руского IV1 оддзелєня, та витворени и мост медзи ґенерациями.
У рамикох Дзецинского тижня Месна заєднїца Руски Керестур вчера, 8. октобра у Спортскей гали за наймладших орґанизовала проєкцию рисованого синхронизованого филма „Аладин”. Филм були патриц дзеци зоз дзецинскей заградки „Цицибан” як и школяре ОШ „Петро Кузмяк”.
